Жаҳон соғлиқни сақлаш ташкилоти қўмитаси мамлакатларга халқаро саёҳатлар учун ўрнатилган чекловларни бекор қилиш ёки енгиллаштиришни маслаҳат берди.
Қўмита баёнотида таъкидланишича, чекловлар «давлатлар дуч келаётган иқтисодий ва ижтимоий стрессни юзага келишига кўмаклашмоқда». Шу билан бирга, мазкур чоралар фойда келтирмаган: бунга айрим мамлакатларнинг сафарларга қўйган чекловига қарамай, коронавируснинг омикрон штамми тарқалгани исбот сифатида келтирилган.
Жаҳон соғлиқни сақлаш ташкилотининг халқаро саёҳат бўйича йўриқномасида айтилишича, ҳукуматлар инфекциянинг тарқалиш хавфини камайтириш учун чоралар кўриши мумкин, жумладан, саёҳатчиларни COVID учун текшириш ёки уларни карантинга жойлаштириш. Ташкилотнинг қайд этишича, ушбу чоралар «хатарни яхшилаб баҳолаш» асосида аниқланиши керак, уларни қўллашда эса «саёҳатчининг қадр-қиммати, инсон ҳуқуқлари ва асосий эркинликларини» ҳурмат қилиш зарур.
Омикрон штамми сабаб айрим мамлакатлар, жумладан, Буюк Британия, АҚШ ва Япония Жанубий Африка мамлакатларидан келувчи хорижликлар учун чекловларни жорий этган. Исроил барча хорижликларга чегарасини ёпган, аммо кейинроқ вакцинациядан ўтганларнинг киришига рухсат берган.
Мавзуга доир:
Изоҳ (0)