Бугун,

  • USD 10940.05
  • RUB 182.26
  • EUR 11121.65

Мексика шимолидаги қамоқхонада ғалаён содир бўлди, натижада 56 нафар маҳбус тан жароҳати олди. Бу ҳақда Associated Press хабар берди.

Фото: Manila channel

Фото: Manila channel

Монтеррей шаҳри яқинидаги Аподака қамоқхонасида кузатилган тартибсизликларнинг бошланишига маҳбусларнинг бир қисми бошқаларидан пўписа билан пул ундиргани сабаб бўлган.

Нуэво-Леон штатининг жамоат хавфсизлиги бўйича давлат котиби Альдо Фаши барча жароҳатлар калтаклаш натижаси эканини айтди.

«Тўқнашувлар давомида ўқотар қурол ишлатилмаган, барча жароҳатлар зарбаларнинг оқибати. Маҳбусларнинг бош қисмига тўмтоқ буюмлар ёки тошлар билан жароҳат етказилган», — дейди Фаши.

У маҳбусларнинг аксарияти саноат корхоналарида ишлаши ва ҳафтанинг жума кунида маош олишини айтди. Фашининг сўзларига кўра, қамоқхонадаги камида бешта жиноий гуруҳ бошқа маҳбуслардан пул талаб қилган.

Ҳодисадан сўнг хавфсизлик кучлари оммавий тинтувлар уюштирган, бу вақт давомида маҳкумларнинг ашёлари орасидан ноқонуний мобил телефонлар, пиво ва гиёҳванд моддалар топилган.

Аввалроқ Эквадор қамоқхонасида юз берган тўқнашувларда қарийб 70 киши ҳалок бўлганди.

Изоҳ
Асосий янгиликлар