Мисрнинг Синай ярим ороли жанубида автобус ва микроавтобус иштирокидаги кенг кўламли йўл-транспорт ҳодисаси юз берди. Оқибатда камида 16 киши ҳалок бўлди, деб ёзмоқда Reuters.
Бундан ташқари аварияда 18 киши жароҳатланган.
Ҳодиса жойига 13 та тез ёрдам машинаси етиб келган. Ярадорлар Тор Синай ва Шарм аш-Шайх шифохоналарига етказилди.
«Жароҳатлар ҳар хил кўринишда: синиш, терининг кесилиши ва шилиниши, мия чайқалиши кабилар билан барча ярадорларга зарур тиббий ёрдам кўрсатилди», — дейилади хабарда.
Ҳодисанинг бошқа тафсилотлари ҳозирча берилмаган. Ҳудуд губернатори Холид Фуда маҳаллий полицияга воқеани ҳар томонлама текширишни буюрди.
Аввалроқ Эквадорда йўловчиларни олиб кетаётган автобуснинг ағдарилиб кетиши оқибатда 18 киши ҳалок бўлган, яна 25 киши яраланганди. Ноябрь охирида Болгарияда сайёҳлик автобуси ЙТҲга учраб, ёниб кетган эди. Оқибатда 46 киши ҳалок бўлган.
Декабрда Гаитининг Кап Аитиен шаҳрида ёнилғи ташувчи автоцистерна йўл-транспорт ҳодисасига учраган. Сўнг юк машинасида кучли портлаш юз берган, оқибатда 40 дан ортиқ одам ҳалок бўлган.
Изоҳ (0)