Бугун,

  • USD 11095.31
  • RUB 173.84
  • EUR 10772.44

Таиланд аввал саёҳат қилса бўладиган айрим провинцияларини хорижлик сайёҳлар учун вақтинча ёпиб қўйди, фақат Пхукет бундан мустасно. Шу билан бирга, Таиланд ҳукумати ташриф буюрувчиларнинг барчасига қайтадан мажбурий карантин жорий этилишини истисно қилмаяпти, деб ёзади «Интерфакс».

Фото: «Новости Таиланда»

Фото: «Новости Таиланда»

«Таиланд қироллиги Ташқи ишлар вазирлиги мамлакатга киришнинг Теst & Gо ва Sandbox схемалари бўйича (Phuket Sandbox’дан ташқари) Thailand Pass’ни олиш учун рўйхатдан ўтиш вақтинчалик ёпилганини эълон қилди. Дастурнинг тўхтатилиши ва мамлакатга келганларнинг барчаси учун мажбурий карантин қайта тикланиши эҳтимоли ҳақида мамлакат соғлиқни сақлаш вазири Анутин Чарнвиракул марказий телевидениедаги чиқишида маълум қилди» — деди Tez Tour туроператорининг Осиёдаги бош вакили Андрей Снетков «Интерфакс»га.

Унинг тушунтиришича, Теst & Gо схемаси 63 та давлатнинг коронавирусга қарши эмланган аҳолиси учун ПЗР-тестининг манфий натижаси билан Таиландга киришга рухсат берарди. Бироқ Пхукет провинциясида Sandbox схемаси ишлашда давом этмоқда, деди Снетков.

«Ҳозирча барча саёҳатчилар учун янгидан мажбурий карантин жорий этилиши ҳақида расмий тасдиқ йўқ», — дея таъкидлади эксперт.

Аввалроқ Таиланд ҳукумати мамлакат ичида коронавируснинг «омикрон» штамми билан касалланган биринчи бемор ҳақида хабар берганди. Бу вақатга қадар ушбу штамм мамлакатга чет элдан келганларда аниқланган.

Нидерландия ҳукумати «омикрон» штамми тарқалиши туфайли Европа Иттифоқи мамлакатлари орасида биринчи бўлиб локдаун жорий қилганди. Шунингдек, Германия «омикрон» штамми туфайли британияликларнинг мамлакатга киришини чеклаган.

Эслатиб ўтамиз, Исроил «омикрон» штаммининг тарқалишини олдини олиш мақсадида дунёда биринч бўлиб чет эл фуқаролари учун 2 ҳафтага ўз чегараларини ёпиб қўйганди.

Изоҳ
Асосий янгиликлар
Дунё
«Туркия янги дунё тартибининг марказида бўлиши керак» — Эрдўғон
Маҳаллий
Андижонда 41 киши жароҳатланган автоҳалокат қурбонлари сони 4 нафарга етди
Маҳаллий
Ўзбекистонда помидор нархи барқарорлашди