Instagram: Йигитали Мамажонов Тошкентда меҳмонхонасини очди, Баҳора Арслоновага машина совға қилишди, Шаҳло Рустамова оиласида жудолик

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Ойбек ва Нигора жуфтлиги уч фарзанди билан Янги йил фотосессиясини ташкиллаштирди.

Актёр Йигитали Мамажонов пойтахтда ўз меҳмонхонасини очди. У ҳозирги кунда кино соҳасидаги ўзгаришлар туфайли бизнесга қўл ургани ҳақида сўзлаб берди.

Хонанда Лола хонадонини безатиш учун ўрмондан табиий арча буюртма қилди.

Воҳиджон Исоқов ҳайдовчиларга огоҳлантириш билан мурожаат йўллади. Унинг айтишича, АЁҚШлардаги 92-бензин сифатсизлиги боис автомобилларни ишдан чиқармоқда.

Дипика Падукон мухлисларига янги сурат билан кўриниш берди.

Юлдуз Усмонова қизи Нилуфарнинг хонадонида опа-сингилларини йиғиб, ўз қўллари билан таом тайёрлади ҳамда марҳума онасини хотирлади.

Фарҳод ва Ширин ҳам янги фотосессия ташкиллаштирди.

СанЖай Жўраевлар оиласи уни бешинчи марта судга берганини маълум қилди.

Янги йил кўрсатувларидан бирида Шоҳруҳхон ва Нилуфар Усмонова «Барча шодлик сенга бўлсин» дуэтини ижро этади.

Баҳора Арслоновага турмуш ўртоғи Gentra автомобилини совға қилди.

Сариқ бола Дубайдаги саёҳати акс этган суратни саҳифасига жойлади.

Имрон «Ҳеч кимга бермай севаман» қўшиғига ишланган клипни тақдим этди. Клипда бош қаҳрамон образини Дурдона Қурбонова яратган.

Хонанда Шаҳло Рустамованинг онаси 70 ёшида ҳаётдан кўз юмди.