Янги йил кириб келишидан аввал қандай турк сериаллари эфирга узатилиши ва аллақачон тақдим қилинган лойиҳаларда қандай янгиликлар бўлиши ҳақида маълумот берамиз.
«Тақдиримнинг ўйини»
Star TV канали орқали эфирга узатилишни бошлаган «Тақдиримнинг ўйини» сериалида «Беқарор»даги ижроси билан яхши таниш бўлган Акин Акинўзу Ойку Караел билан бирга суратга тушмоқда. Сюжетга кўра, Жемал ва Асие исмли қаҳрамонлар 17 ёшида турмуш қуради. Тақдир синовлари олдида ожизлик қилган Жемал рафиқасини икки фарзанди билан ёлғиз ташлаб, бадавлат инсоннинг қизига уйланади. Аёл эса фарзандлари билан боғлиқ муаммоларга дуч келади.
Қизи билмаган ҳолда одам ўлдириб қўяди ва қизи қамоққа тушмаслиги учун Асие она шаҳрини тарк этишга мажбур бўлади. Шундан кейин унинг тақдирида туб бурилиш ясовчи воқеа юз беради.
«Маҳкум»
Декабрдан бошлаб «Маҳкум» сериали эфирга узатилади, аммо айнан қайси куни намойиш қилиниши ҳозирча номаълум. Унда Онур Туна, Исмоил Ҳожиўғлу ва Серай Кая бош қаҳрамон сифатида кўриниш беради. Қонунни ҳар недан устун биладиган прокурор кунлардан бир куни қамоқхона камерасида уйғонади.
Хотирасидан айрилган ва жиноятда айбланаётган қаҳрамон ўзини беайблигини исботлаши ва оиласининг қотилини топиши керак. Янги сериалнинг тизери аллақачон тақдим қилинган.
«Онамизни яшириб»
«Онамизни яшириб» сериали 8 декабрь куни Star TV канали орқали намойиш қилина бошланди. Унда Ҳанде Догандемир, Эрдем Кайнаржа ва Аҳмет Куци суратга тушган. Сюжет асосида фарзандларини ёлғиз катта қилаётган аёлнинг қийин тақдири ётади.
Хандан исмли ательеда дизайнер ёрдамчиси бўлиб ишлайдиган аёлнинг тақдири, тўйларининг юбилейини нишонлаш учун байрамона либосга буюртма берган Зеррин ва Дондар билан учрашганидан кейин ўзгариб кетади.
«Бари турмуш ҳақида»
«Элчининг қизи»да Наренинг қизини гавдалантирган Берен Генчалпга таклифлар кўпаймоқда. «Меҳмон» лойиҳасида бош қаҳрамоннинг қизи сифатида кўриниш берган қизалоқ суратга олиш ишлари якунланганидан кейин «Бари турмуш ҳақида» сериалига рол ижро қилиш учун таклиф қилинган.
Ёш актриса сериалда «Элчининг қизи»да унинг бобоси сифатида кўриниш берган Эрдал Кучуккўмурчу билан бирга иштирок этади.
Изоҳ (0)