«Уйда ёлғиз» комедиясининг биринчи қисми 1990 йилда намойиш этилган. Хўш, фильмда иштирок этган актёрлар орадан 31 йил ўтса ҳам дўстликни сақлаб қола олдими?
Ушбу комедияда Кевин Маккалистернинг акаси Базз ролини ижро этган 44 ёшли актёр Девин Рэтрей People нашрига берган интервьюсида, суратга олиш майдончасидаги ҳамкасблари билан Whats App’да тез-тез ёзишиб, суҳбат қуришларини маълум қилди.
Шунингдек, Девин фильм актёрлари Жед Коэн, Даяна Рейн, Терри Снелл, Анжела Геталс ва Ҳиллари Вульф учрашишга қарор қилганини таъкидлаб ўтган. «Улар онлайн учрашув ўтказишни режалаштирмоқда, аммо мен бу ҳақда яқинда билдим, дейди Рэтрей. – Бизнинг оила жам бўлишни хоҳлайди. Ким билади, эҳтимол бу яқин келажакда содир бўлар».
Девиннинг қўшимча қилишича, бош қаҳрамон ижрочиси 41 ёшли актёр Маколей Калкин суратга олиш гуруҳидаги ҳамкасблари билан учрашишдан бош тортган. «Илгари у шундай атрофдан узилган одам эди, лекин ҳозир кўпроқ очиқ ва киришувчан шахсга айланганидан хурсандман», – дейди Девин.
2019 йилда Disney «Уйда ёлғиз» комедиясининг ремейкини суратга олишини маълум қилган эди. Ремейкка Дэн Мазер режиссёрлик қилди. Сценарийни Мики Дэй ва Стритер Сайделл ёзган. Картина оригинал лентадаги каби бош қаҳрамон Маколей Калкиннинг ота-онаси уни Рождество байрамида уйида унутиб қолдиради. Унинг ролини «Жожо лақабли қуён» фильми билан танилган 12 ёшли Арчи Йетс ижро этди. Боланинг ота-онаси ролини Элли Кемпер ва Роб Делани ижро этган. Фильм Disney + стриминг платформасида 2021 йил 12 ноябрда намойиш этилди ва бунга томошабинлар асосан салбий фикр билдирди. Оригинал фильм режиссёри Крис Колумб ҳам ремейкни танқид остига олди.
Эслатиб ўтамиз, Крис Колумбнинг миллионлар томонидан севиб томоша қилинган Янги йил комедиясининг биринчи қисми 1990 йилда намойиш этилган ва 476,7 миллион доллар даромад кўрган. Кейинчалик унинг бир нечта давомий қисмлари ҳам суратга олинган.
Изоҳ (0)