«Аёл» сериали юлдузи она бўлди, Туба Буюкустун янги уйга кўчмоқда. Турк киноси янгиликлари (фото)

Турк киноси оламида рўй бераётган бир-биридан қизиқ янгиликларни эътиборингизга ҳавола этамиз.

Актриса Туба Буюкустун яшаш жойини ўзгартиради. У Босфор бўйидан 22 миллион лира (160 минг доллар)га қаср сотиб олмоқда.

Туркиянинг машҳур «Иккинчи саҳифа» телекўрсатуви журналистлари ижтимоий тармоқларда обуначилар ташаббуси билан сўровнома ўтказди. Савол қуйидагича эди: «Сизнингча, актрисалардан қайси бири гўзалроқ? Ханде Эрчелми ёки Хулия Авшар?». Натижада Хулия йирик ҳисобда ғалаба қозонди.

Киванч Татлитуғ ҳомиладор рафиқасининг овқатланишини назоратга олди. Энди унинг шахсан ўзи органик маҳсулотларни Бодрумдаги энг яхши фермалардан сотиб олади.

Ҳалит Эргенч ўзи ҳақидаги энг машҳур миш-мишларга изоҳ берди: у ўқилган сценарийлар учун пул олаётгани ҳақидаги хабарни рад этди.

«Аёл» сериали юлдузи Ўзге Ўзпиринчжи илк бор она бўлди, актриса қиз фарзандни дунёга келтирди.

Танқидчилар Ханде Эрчел ва Керем Бурсиннинг янги лойиҳада иштирок этиши эҳтимолини изоҳлаб, бу фикрни асоссиз деб атади.

Фаҳрие Эвжен иштирокидаги машҳур сериалнинг таиландча версияси чиқди. Фаҳрие Эвжен ва Энгин Акюрек иштирокидаги машҳур «Сўнгги нафасимгача» («Ўлене кадар») сериали 100 дан ортиқ мамлакатларга сотилган. Лойиҳа танқидчилар томонидан ўн йилликнинг энг муваффақиятли телесериалларидан бири деб номланди. Таиланд продюсерлари айнан шу сериални танлагани бежиз эмас.

Асли Энвер кинони тарк этиши ҳақидаги хабарни рад этди. У пандемия туфайли суратга тушмаётганини маълум қилди.

«Онамизни яшириб» («Аннемизи сакларкен») номли янги сериал Туркияда эфирга узатилишга тайёр. Лойиҳа катта маблағ ҳисобига суратга олинган. Star TV канали продюсерлари сериал нафақат рейтинг бўйича ўзини оқлашини, балки чет элда ҳам фаол сотилишини кутмоқда.

Неслиҳан Атагул аёл ҳайдовчини ишга ёллади. Кўпгина ҳамкасблари ҳам ундан ўрнак олишга қарор қилди.

Машҳур актёр Толга Сариташ янги лойиҳаси билан экранларга қайтмоқда. Актёрнинг янги сериали «Бир тасодифий кеча» («Бир геже ансизин») деб номланади.