Turk kinosanoatidagi eng so‘nggi yangiliklarni e’tiboringizga havola etamiz.
“So‘nggi yoz” serialida bosh qahramonlardan biri — Jonon rolini gavdalantirgan aktrisa Funda Eryigit suratga olish jamoasini tark etdi. Ayni vaqtda Birje Akalay bilan uning loyihadagi ishtiroki yuzasidan muzokaralar olib borilmoqda.
Engin Altan Dezyatan va Ulash Tuna Astepe suratga tushayotgan “Barbarossa” seriali 2021-yilning sentabrida efirga uzatilishi rejalashtirilmoqda. Mish-mishlarga ko‘ra, bu Turkiya tarixidagi eng qimmat budjetga ega serial bo‘ladi.
Ma’lum qilinishicha, “Alp Arslon” seriali” “Uyg‘onish: Buyuk Saljuqiy”ga prikvel (voqealari avvalroq suratga olingan kino yoki serialdagi voqealardan oldin sodir bo‘lgan) bo‘ladi. Unda bosh qahramonlar rolini “Ijaraga sevgi” yulduzi Barish Arduch va “Choliqushi”dan keyin mashhurlikka erishgan aktrisa, Burak O‘zchivitning rafiqasi Fahriye Evjen ijro qiladi.
“Zuleyha”da rol o‘ynagan Ugur Gunesh hamda “Ertug‘rul: Tirilish” va “Ramo” singari loyihalar yulduzi Esra Bilgich “Qonunsiz yerlar” nomli serialda suratga tushadi.
Izoh (0)