Янги йилни «Уйда ёлғиз» фильмисиз тасаввур қилиб бўлмайди. Байрам фильм суратга туширилган уйда кутиб олинса, яна яхши. Энди бунинг имкони бор. Сал аввалроқ «Уйда ёлғиз» фильмидаги Маккалистерларнинг уйи ижарага берилаётгани ҳақида эълон берилган. Ўтган ҳафта «Гуччи уйи» фильми суратга олинган Балбиано вилласини бир суткага ижарага олиш мумкинлиги маълум бўлганди. Кейинроқ эса «Уйда ёлғиз» мухлислари Маккалистерларнинг уйида вақт ўтказиш мумкинлигидан хабар топган.
Мавсумни Маккалистерлар услубида кутиб олинг. Тарихда биринчи марта шумтакаларнинг бир жамоаси «Уйда ёлғиз» ҳикояси бошланган уйда байрамни нишонлаши мумкин. Маккалистерлар таътилга кетган вақтда Базз тунни ўз болалиги ўтган уйда ўтказади», — дейилган Кевиннинг катта акаси Базз томонидан ёзилган эълонда.
Бундай махсус таклифга Рождествога уч ҳафта вақт қолгани ва сал аввалроқ «Уйда ёлғиз»нинг олтинчи қисми «Home Sweet Home Alone» экран юзини кўргани сабаб бўлиши мумкин. Ден Мейзер режиссёрлик қилган фильмда Элли Кемпер, Роб Дилэйни ва Арчи Ейц бош қаҳрамон ролини ижро қилган. Бироқ фильм танқид остида қолган. Эълонда Чикагодаги Америкага хос классик хонадонда 4 киши вақт ўтказиши мумкин экани айтилган. Уларга Базз Маккалистерни гавдалантирган Девин Ретрей ҳамроҳлик қилади. 2021 йил баҳорда илк бор ота бўлган Кевин ижрочиси Маколей Калкин эса лойиҳада иштирок этмасликка қарор қилган.
Ижарадан тушган маблағни La Rabida шифохонаси учун сарфлаш мўлжалланган. 7 декабрдан 25 долларга банд қилиш мумкин бўлган уй аслида қандай кўринишга эга? Қуйидаги фотолар орқали ушбу саволга жавоб берамиз.
Изоҳ (0)