Ҳукуматнинг 10 декабрдаги қарори билан Акбар Тошқулов Тошкент давлат юридик университети ректори этиб тайинланди, деб хабар бермоқда Адлия вазирлиги матбуот хизмати.
Университетнинг аввалги ректори Раҳим Ҳакимов июль ойида олий ва ўрта махсус таълим вазирининг фан ва инновациялар бўйича ўринбосари этиб тайинланганди.
Акбар Тошқулов 1971 йилда Жиззах вилоятида туғилган. 1994 йилда Тошкент давлат юридик институтини тамомлаган. 1-даражали адлия маслаҳатчиси, «Ўзбекистонда хизмат кўрсатган юрист» фахрий унвони соҳиби.
Меҳнат фаолиятини 1994—1995 йилларда Адлия вазирлиги Халқаро-ҳуқуқий бошқармасининг катта маслаҳатчиси лавозимидан бошлаган Акбар Тошқулов адлия органлари тизимида турли масъул лавозимларда фаолият юритган.
Тайинловга қадар 2017 йил апрелдан буён адлия вазири ўринбосари сифатида ишлаб келаётган эди.
Изоҳ (0)