Hukumatning 10-dekabrdagi qarori bilan Akbar Toshqulov Toshkent davlat yuridik universiteti rektori etib tayinlandi, deb xabar bermoqda Adliya vazirligi matbuot xizmati.
Universitetning avvalgi rektori Rahim Hakimov iyul oyida oliy va o‘rta maxsus ta’lim vazirining fan va innovatsiyalar bo‘yicha o‘rinbosari etib tayinlangandi.
Akbar Toshqulov 1971-yilda Jizzax viloyatida tug‘ilgan. 1994-yilda Toshkent davlat yuridik institutini tamomlagan. 1-darajali adliya maslahatchisi, “O‘zbekistonda xizmat ko‘rsatgan yurist” faxriy unvoni sohibi.
Mehnat faoliyatini 1994—1995-yillarda Adliya vazirligi Xalqaro-huquqiy boshqarmasining katta maslahatchisi lavozimidan boshlagan Akbar Toshqulov adliya organlari tizimida turli mas’ul lavozimlarda faoliyat yuritgan.
Tayinlovga qadar 2017-yil apreldan buyon adliya vaziri o‘rinbosari sifatida ishlab kelayotgan edi.
Izoh (0)