Prezident maslahatchisi Abdujabbor Abduvohidov, bosh vazir o‘rinbosari Behzod Musayev va vazir Abduqodir Toshqulov ishtirokida bo‘lib o‘tgan yig‘ilishda oliy va o‘rta maxsus ta’lim vaziriga o‘rinbosarlar tayinlandi.
Vazirning birinchi o‘rinbosari etib Komiljon Karimov tayinlandi. Tayinlovga qadar u 2020-yilning 17-sentabridan Jahon iqtisodiyoti va diplomatiya universiteti rektori lavozimida faoliyat yuritib kelgan.
Rahim Hakimov esa vazirning fan va innovatsiyalar bo‘yicha o‘rinbosari etib tayinlandi. Tayinlovga qadar u 2020-yilning 28-mayidan Toshkent davlat yuridik universiteti rektori lavozimida ishlab kelayotgandi.
Eslatib o‘tamiz, 2021-yilning yanvarida oliy va o‘rta maxsus ta’lim vazirining birinchi o‘rinbosari O‘ktam Salomov Farg‘ona politexnika instituti rektori lavozimiga tayinlangani munosabati bilan lavozimidan ozod etilgandi.
