Бугун,

  • USD 10920.28
  • RUB 177.49
  • EUR 11052.42

Андижон вилояти прокурори Ғайрат Фозилов 25 ноябрь куни «фаолиятида йўл қўйган хато-камчиликлари учун» эгаллаб турган лавозимидан озод этилди. Ушбу маълумотни Бош прокуратура матбуот котиби Ҳаёт Шамсутдинов «Дарё»га тасдиқлаган.

Фото: Андижон вилояти прокуратураси

Маълум қилинишича, ҳозирда Эшмурод Жўраев Андижон вилояти прокурори вазифасини бажарувчиси этиб тайинланган. У бунгача Бош прокуратура бошқармаси бошлиғи лавозимида ишлаб келаётган эди.

Эслатиб ўтамиз, Ғайрат Фозилов 2018 йил январь ойида Андижон вилояти прокурори лавозимига тайинланган эди. У Мажбурий ижро бюроси директорининг ўринбосари лавозимига ўтказилган Музаффар Эгамбердиевни алмаштирганди.

Аввалроқ Бош прокуратура жиддий хато ва камчиликларга йўл қўйган 18 нафар ходимни интизомий жазога тортгани тўғрисида хабар берилганди.

Изоҳ
Асосий янгиликлар