Наманганда чора кўрилмаслиги учун ЙПХ ходимига пора тариқасида 1000 доллар ва 4 дона телевизор таклиф қилган қоидабузар ҳайдовчи ушланди. Бу ҳақда вилоят ЙҲХББ матбуот хизмати хабар берди.
Маълум қилинишича, 1 декабрь куни соат 08:00 ларда Наманган вилояти, Поп тумани ҳудудида жойлашган «Наманган» мунтазам ЙПХ масканида хизмат олиб бораётган ЙПХ ходими томонидан маскандан ҳаракатланиб ўтаётган Cobalt тўхтатилган. Текширув давомида автомобилда 16 дона тегишли ҳужжатларсиз телевизорлар олиб кетилаётгани маълум бўлган ва баённома орқали туман ИИБга олиб келинган.
Ҳайдовчи ҳолат юзасидан тегишли чора кўрилмаслиги учун ЙПХ ходимига 1000 доллар пул ва 4 дона телевизор беришни таклиф қилган. ЙПХО командири ўринбосари мазкур ҳолат бўйича вилоят ИИБ бошлиғига билдирги орқали пора таклиф қилаётган фуқарога қонуний чора кўрилишини сўраган.
Билдирги асосида ҳуқуқни муҳофаза қилувчи орган ходимлари ҳамкорлигида тезкор тадбир ўтказилиб, Поп тумани ИИБ маъмурий биноси ёнида ҳайдовчи, Х.С. (1992 йилда туғилган) ЙПХ ходимига 900 долларни пора тариқасида берган вақтда ашёвий далиллар билан ушланган.
Қайд этилишича, мазкур ҳолат юзасидан ҳозирда терговга қадар текширув ҳаракатлари олиб борилмоқда.
Мавзуга доир:
- Фарғонада ЙПХ инспекторига 2 млн сўм пора берган ҳайдовчи қўлга олинди
- Сурхондарёда 1 млн сўм пора олмаган ЙПХ инспектори телевизор билан мукофотланди
- Фарғонада ЙПХ инспекторига 300 доллар пора берган ҳайдовчи қўлга олинди
- Самарқандда ЙПХ ходимларига пора беришга уринган ҳайдовчилар қўлга олинди
- Тошкент вилоятида ЙПХ ходимига 1,5 млн сўм пора таклиф қилган ҳайдовчи ушланди
Изоҳ (0)