Жаҳон соғлиқни сақлаш ташкилоти бош директори Тедрос Гебрейесус коронавируснинг янги «омикрон» штамми сабаб ҳаддан ортиқ жиддий чекловларни жорий этаётганини маълум қилди. Бу ҳақда Reuters агентлигига таяниб, «Korrespondent.net» хабар берди.
«Мен барча давлатлар ўз фуқароларини биз ҳали тўлиқ тушунмаган вариантдан ҳимоя қилишга интилаётганини яхши тушунаман», — дейди Тедрос Гебрейесус.
ЖССТ раҳбарининг айтишича, уни бир нечта давлатлар «фактларга асосланмаган ва самарали бўлмаган, аксинча, тенгсизликни кучайтирадиган умумий, қўпол чекловларни жорий этаётганидан» хавотирда.
Гебрейесуснинг сўзларига кўра, «омикрон»нинг жиддийлиги ва вакциналарнинг самарадорлиги борасидаги саволлар ҳамон олдингидек жавоблардан кўра кўпроқ.
ЖССТ «омикрон» инфекция тарқалишининг янги хавфини юзага келтириши ҳақида огоҳлантирганига қарамай, у билан боғлиқ ўлим ҳолатлари ҳақида ҳозирча маълум қилинмаган.
Коронавируснинг кўп сонли мутацияга эга янги «омикрон» (B.1.1.529) штамми биринчи марта ноябрь ойида Жанубий Африкада топилганди. ЖССТ маълумотларига кўра, B.1.1.529 вируси организмдаги протеин таркибига таъсир кўрсатиши мумкин. Амалдаги вакциналар бу каби ўзгаришларга етарлича самарадор бўлмаслиги айтилмоқда. Жанубий Африкадан ташқари, «омикрон» аллақачон Гонконг, Австралия ва бир қатор Ғарбий Европа мамлакатларида ҳам қайд этилган. Исроил ушбу штаммнинг тарқалишини олдини олиш мақсадида дунёда биринч бўлиб чет эл фуқаролари учун ўз чегараларини ёпиб қўйди.
Изоҳ (0)