Кариб ҳавзасидаги Барбадос орол-давлати 30 ноябрдан расман республикага айланди. Шунингдек, октябрь ойида президент этиб сайланган Сандра Масон лавозимига киришди, Буюк Британия қироличаси Елизавета II эндиликда Кариб давлатининг раҳбари ҳисобланмайди. Тантанали маросим трансляцияси Барбадос ҳукуматининг сайти орқали узатилган, деб хабар беради «ТАСС».
Маросимга Британия тахтининг меросхўри шаҳзода Чарльз ташриф буюрган. Барбадос пойтахти Брижтаундаги Миллий қаҳрамонлар майдонида қироличанинг штандарти туширилган.
«Барбадосга қонунга мувофиқ содиқ бўлишга қасамёд қиламан… мен Барбадосга президент сифатида ҳалол хизмат қиламан. Худо менга ёрдам берсин», — дейди Масон ўзининг инаугурация нутқида. Давлат раҳбари лавозимига расман киришилганидан сўнг, Брижтаун марказида ҳарбий парад бўлиб ўтган, у барча маҳаллий телевидение каналларида трансляция қилинган. Ҳукумат тантанали байрамни нишонлаш вақтида коронавирус инфекцияси тарқалишининг олдини олиш учун ижтимоий масофаланишга риоя қилишни сўраган.
Сентябрь охирида Барбадос Йиғилиш палатаси (парламент қуйи палатаси) Буюк Британия қироличаси Елизавета II мамлакат раҳбари этиб ҳисобланмайдиган конституцияга киритиладиган ўзгартиришни бир овоздан қўллаб-қувватланган. Октябрь ойида мамлакат президенти лавозимига 2018 йилдан буён оролнинг генерал-губернатори бўлиб келган 72 ёшли Сандра Масон сайланган.
Барбадос — Буюк Британия бошчилигидаги Миллатлар Ҳамдўстлиги давлатлараро уюшма таркибига кирувчи мустақил давлат. Давлат раҳбари расман Буюк Британия қироличаси ҳисобланади, генерал-губернатор унинг вакили. Барбадос Кариб денгизининг шарқий қисмида жойлашган ва унда 287 мингдан зиёд аҳоли истиқомат қилади. Мамлакат 1966 йил 30 ноябрь куни мустақилликка эришган (Испания мустамлакаси бўлган).
Эслатиб ўтамиз, Буюк Британия қироличаси энди Барбадосга раҳбарлик қилмаслиги ҳақида 2020 йилнинг ноябрь ойида маълум бўлганди. Ўшанда Барбадос генерал-губернатори Сара Масон бу қарор 2021 йилда орол мустақиллигининг 55 йиллиги нишонланадиган кунда кучга киришини айтганди.
Изоҳ (0)