Украина президенти Владимир Зеленский мамлакат Хавфсизлик хизмати контрразведка департаменти бошлиғи Александр Руснакни лавозимидан олиб ташлади. Амалдорнинг ишдан олиниши тўғрисидаги фармон Украина президентининг сайтида эълон қилинган бўлиб, унинг бўшатилишига нима сабаб бўлгани кўрсатилмаган. Руснак 2019 йилнинг сентябридан буён ушбу лавозимда ишлаб келаётганди, деб хабар беради «Коммерсантъ».
«Руснак Александ Василевич Украина хавфсизлик хизмати контрразведка департаменти бошлиғи лавозимидан бўшатилсин», — дейилади ҳужжатда.
Фармон Украина хавфсизлик хизмати бир гуруҳ Украина ва Россия фуқаролари мамлакатда ҳокимиятни эгаллашга тайёргарлик кўраётгани бўйича тергов фактини маълум қилган кунда имзоланган. 26 ноябрь куни Киевда ўтказилган пресс-марафонда Зеленский ўзида давлат тўтаришини режалаштираётганлар ҳақида маълумот борлигини, бироқ унинг ҳақиқатлигига ишонмаслигини маълум қилган.
Украина раҳбарининг сўзларига кўра, унда разведка маълумотлари, жумладан, «Россия вакиллари билан украиналик ишбилармон Ринат Ахметовнинг Украинадаги миллиард доллар жалб этадиган давлат тўнтаришида иштирок этишни муҳокама қилаётгани» туширилган аудиоёзувлар мавжуд.
Зеленскийнинг фикрича, Ахметов шу тариқа «Украина давлатига қарши урушга тортилмоқда». Давлат раҳбари уни суҳбат учун офисига таклиф қилган.
Россия президенти матбуот котиби Дмитрий Песков Зеленскийнинг Москва Украинадаги давлат тўнтаришини режалаштиришга алоқадорлиги ҳақидаги сўзларига изоҳ берар экан, Россия «ҳеч қачон бундай масалалар билан шуғулланмаслигини» айтган.
Изоҳ (0)