Karib havzasidagi Barbados orol-davlati 30-noyabrdan rasman respublikaga aylandi. Shuningdek, oktabr oyida prezident etib saylangan Sandra Mason lavozimiga kirishdi, Buyuk Britaniya qirolichasi Yelizaveta II endilikda Karib davlatining rahbari hisoblanmaydi. Tantanali marosim translyatsiyasi Barbados hukumatining sayti orqali uzatilgan, deb xabar beradi “TASS”.
Marosimga Britaniya taxtining merosxo‘ri shahzoda Charlz tashrif buyurgan. Barbados poytaxti Brijtaundagi Milliy qahramonlar maydonida qirolichaning shtandarti tushirilgan.
“Barbadosga qonunga muvofiq sodiq bo‘lishga qasamyod qilaman… men Barbadosga prezident sifatida halol xizmat qilaman. Xudo menga yordam bersin”, — deydi Mason o‘zining inauguratsiya nutqida. Davlat rahbari lavozimiga rasman kirishilganidan so‘ng, Brijtaun markazida harbiy parad bo‘lib o‘tgan, u barcha mahalliy televideniye kanallarida translyatsiya qilingan. Hukumat tantanali bayramni nishonlash vaqtida koronavirus infeksiyasi tarqalishining oldini olish uchun ijtimoiy masofalanishga rioya qilishni so‘ragan.
Sentabr oxirida Barbados Yig‘ilish palatasi (parlament quyi palatasi) Buyuk Britaniya qirolichasi Yelizaveta II mamlakat rahbari etib hisoblanmaydigan konstitutsiyaga kiritiladigan o‘zgartirishni bir ovozdan qo‘llab-quvvatlangan. Oktabr oyida mamlakat prezidenti lavozimiga 2018-yildan buyon orolning general-gubernatori bo‘lib kelgan 72 yoshli Sandra Mason saylangan.
Barbados — Buyuk Britaniya boshchiligidagi Millatlar Hamdo‘stligi davlatlararo uyushma tarkibiga kiruvchi mustaqil davlat. Davlat rahbari rasman Buyuk Britaniya qirolichasi hisoblanadi, general-gubernator uning vakili. Barbados Karib dengizining sharqiy qismida joylashgan va unda 287 mingdan ziyod aholi istiqomat qiladi. Mamlakat 1966-yil 30-noyabr kuni mustaqillikka erishgan (Ispaniya mustamlakasi bo‘lgan).
Eslatib o‘tamiz, Buyuk Britaniya qirolichasi endi Barbadosga rahbarlik qilmasligi haqida 2020-yilning noyabr oyida ma’lum bo‘lgandi. O‘shanda Barbados general-gubernatori Sara Mason bu qaror 2021-yilda orol mustaqilligining 55 yilligi nishonlanadigan kunda kuchga kirishini aytgandi.
Izoh (0)