Буюк Британиянинг катта қисмига Арвен бўрони ёпирилди. Оқибатда уч киши ёмон об-ҳаво қурбонига айланди, дея хабар беради Skynews.
Нашр хабарига кўра, кучли шамол туфайли қиролликда хавфнинг энг юқори даражаси эълон қилинган, мамлакатда шамол тезлиги 44 метр/секундга етган. Табиий офат Англия шимолида 112 мингга яқин одамни чироқсиз қолдирган.
Бундан ташқари, бўрон уч кишининг ҳаётига зомин бўлган. Хусусан, Камбрия графлигида яшовчи фуқаро қулаган дарахт остида қолиб, оғир жароҳатлар олгани сабабли вафот этган. Шимолий Ирландия ва Шотландиянинг Абердиншир графлигида ҳам дарахтлар ичида одамлари бор транспорт воситалари устига қулаб тушган, оқибатда яна икки киши ҳалок бўлган.
Бир қатор ҳудудларда бўрон кучли қорни етаклаб келган, бу эса йирик тирбандликларга ва темир йўл ҳаракатида жиддий узилишларга сабаб бўлган.
Изоҳ (0)