Сутли қайлада пишириладиган товуқ оёқчалари

Тушлик ва кечки овқат учун айни муддао бўлган мазали егулик рецептини эътиборингизга ҳавола қиламиз.

Керакли маҳсулотлар:

• товуқ оёқлари — 5 дона;
• сут — 1,5 стакан;
• сув — 1 стакан;
• ун — 2 ош қошиқ;
• нон талқони — 2 ош қошиқ;
• тухум — 1 дона;
• туз, мурч;
• зираворлар;
• ўсимлик ёғи.

• Товага солинган товуқ гўшти устидан сут ва сув қуйинг.
• Ўртача оловга қўйинг.
• Туз ва мурч солинг.
• Қопоғини ёпиб 20 дақиқа давомида пиширинг.
• Нон талқонига, туз ва ун қўшиб аралаштиринг.
• Чақилган тухумга сут ва сув қўшиб аралаштиринг.
• Сутда пишириб олинган товуқ гўштини олиб бироз қуришини кутинг.
• Кейин эса тухумли аралашма кейин эса нонли талқонга ботириб олинг.
• Ўсимлик ёғи солинган товада товуқ гўштини пишириб олинг.
• Ортиқча ёғи кетиши учун қоғоз сочиқ устига қўйинг.
• Исталган соус билан қўшиб истеъмол қилишингиз мумкин.