Бугун,

  • USD 11095.31
  • RUB 173.84
  • EUR 10772.44

Сочлар қалин ва жилокор бўлиши учун уларни доимий равишда парвариш қилиш ва озиқлантириш муҳим. Самара берадиган ниқобларни эса дўкондан харид қилишга ҳожат йўқ. Уларни уй шароитида ҳам тайёрласа бўлади.

Фото: Freepik

Фото: Freepik

Кефир

Кефир нафақат истеъмол маҳсулоти, балки сочлар парваришида ишлатиладиган энг яхши восита сифатида ҳам аҳамиятлидир. Фойдали моддалар, E витамини, кальций ва B гуруҳи витаминларининг кони ҳисобланган маҳсулот бош терисини тозалайди. Териси ёғли, қазғоғи бор кишилар учун айни муддао ҳисобланади. Соч толаларини намлантириб, тўкилишининг олдини олади. Яхши самара бериши учун сочга кефир суртиб, устидан целлофан билан 1 соатга ўраб қўйинг. Доимий равишда ундан ниқоб сифатида фойдаланганда сочлар жилокор ва чиройли кўринади. Аммо бўёқни кетказиши мумкин эканлиги сабаб сочининг рангини ўзгартирганларга фойдаланиш тавсия қилинмайди.

Асал

Асалдан тайёрланган ниқоб сочларни намлантириб, шикастланган толаларни тиклашга ёрдам беради. Қолаверса, бош терисининг қичишини ҳам даволашга ҳисса қўшади. Уни бошқа маҳсулотлар билан аралаштирмаса ҳам, ўзи яхши самара беради. Уни нам сочга суртиш керак бўлади. Кейин эса целлофан пакет билан ўраб қўйиш кифоя. Аммо ниқоб қилишдан аввал асалга аллергиянгиз йўқлигига амин бўлинг.

Зайтун ёғи

Кальций, темир моддаси, фосфор, А, E ва К витаминларининг кони ҳисобланган зайтун ёғи шикастланган соч толаларини тиклаб, уларни қуёш нурлари ва зарарли таъсирлардан ҳимоя қилувчи юпқа плёнка билан қоплайди. Қуруқ сочлар учун айни муддао бўлган мазкур маҳсулот ёғли соч эгаларига тавсия қилинмайди. Уни микротўлқинли печда 30 сония илитиб, кейин соч ва бош терисига суртиш керак.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди