Ҳар куни сочини қандай турмаклашни билмай боши қотган аёл-қизлар учун асқатадиган тавсияларни ҳавола қиламиз.
Ҳажм берилган сочлар
Сочларни турмаклашга улгурмасангиз, шунчаки шишириб, устидан лак сепинг. Аммо нотабиий кўриниб қолмаслигига эътибор беринг.
Текис ёйилган сочлар
Сочларни текис қилиб ёйиш ҳамиша урфда бўлади. Опа-сингил Кардашьянлар учун севимли бўлган соч турмаги учун кондиционерни аямаслик керак. Сочларни дазмол ёрдамида текислашни ҳам унутманг. Ламинация қилдириш орқали эса сочларни узоқ вақт текис туришига эришиш мумкин.
Сочнинг бир қисмини юз четига тушириш
Сочни йиғиб ёки ўраб, бир қисмини юзнинг четидан тушириш керак.
«Малвинка»
Ушбу соч турмаги «Оқсоч. Ёлғиз она» сериалидан кейин машҳурликка эришган. Ундаги бош қаҳрамон аксарият ҳолларда шундай соч турмаги билан кўриниш беради. Бунинг учун сочни номига жингалак қилиш ёки текис қилиб йиғиш мумкин.
Табиий жингалак
Жингалак сочларингизни текислашга уринманг. Номига қилинган жингалак сочлар образга ўзига хослик қўшади. Парвариш ва озиқлантиришга эътибор беринг. Ана шунда ҳам тартибли, ҳам замонавий кўринади. Шунчаки ёйсангиз, тепадан йиғсангиз ҳам бўлади.
Изоҳ (0)