Юз терисига косметик воситаларнинг мос келмаганидан дарак берувчи 5 аломат

Замонавий гўзаллик саноатида ҳар куни қандайдир янгиликлар рўй беради. Тан олиш керак, янги крем ва ниқобларни синаб кўрмасликнинг иложи йўқ. Афсуски, тери ҳар доим ҳам бунга тайёр бўлавермайди ва энг сифатли гўзаллик маҳсулотларига ҳам кутилмаган реакциялар билан жавоб бериши мумкин.

Аввало, мутахассислар косметик воситаларни ҳар доим терининг турига қараб танлашни тавсия қилади. Акс ҳолда энг яхши ҳолатда пулни беҳуда сарфлаш ва энг ёмони, юзда муаммоларни келтириб чиқариши мумкин. Уларни бартараф этиш эса қўшимча сармояни талаб қилади. Бироқ, ушбу қоидага қатъий риоя қилинса-да, бу маҳсулот мос келишини кафолатламайди. Фаслларнинг ўзгариши, терининг ҳолати ва бир қанча мумкин бўлган сабабларга кўра,  парвариш маҳсулотларини танлашда эътиборга олиниши керак бўлган омиллар мавжуд.  Шу билан бирга, фойдаланишнинг биринчи куниданоқ парвариш воситаси мос келмаганини аглаш қийин. Баъзида терининг реакцияси  мунтазам фойдаланишдан кейин, бироз вақт ўтгач пайдо бўлиши мумкин.

Энг аниқ белгилар, албатта, тошма пайдо бўлиши. Ҳа, улар бутунлай бошқа муаммоларнинг натижаси бўлиши мумкин. Янги маҳсулотни ишлатаётганд авақтинча тўхтатиб туришга ҳаракат қилиш лозим: агар тошма камайиб, йўқола бошласа, маҳсулотни алмаштириш яхшироқдир. Қандай бўлмасин, ҳуснбузар ўз-ўзидан даволанмаслиги керак, шифокор ва дерматолог билан маслаҳатлашиб, муаммонинг илдизини аниқлаш учун текширувдан ўтиш тавсия этилади.

Маҳсулотдан фойдалангач терининг қуриши. Агар маҳсулот терини қурица, бу унга мос келмаганидан далолат беради. Маҳсулот таркибида спирт ёки тез буғланиб кетадиган сув ва мойлар бўлиши мумкин.

Қичишиш, қизариш, ноқулайлик, шишиш ва аллергик реакциянинг бошқа аниқ кўринишлари. Юзни совуқ сув билан ювиш терига пантенол суртиш ва антигистамин ичиш керак. Агар тери 24 соат ичида яхшиланмаса, шифокорга мурожаат қилиш лозим. Ва, албатта, маҳсулотни ўзгатириш тавсия этилади. Ачишиш ва қизариш ҳам терининг реакцияси бўлиши мумкин. Агар тери нозик бўлса, махсус маҳсулотлардан фойдаланиш керак.

Қора нуқталар, комедонлар ва тери тешикларини тиқилиб қолиши. Эҳтимол, маҳсулот таркибида силикон, минерал мой ва тери тешикларига тиқилиб қолувчи моддалар бўлиши мумкин. Шунинг учун маҳсулотни танлашда комедоген бўлмаган воситаларга устунлик бериш лозим.

Маҳсулотнинг юздан оқиб тушиши, сўрилмаслиги. Бу ҳар доим ҳам маҳсулотни ёмон дегани эмас, у балки тери турига мос келмаган бўлиши мумкин. Шунингдек, бошқалар фойдаланиб, тавсия этган воситалар ҳам ёмон натижа кўрсатиши мумкин. Шунинг учун уларни харид қилишда сифат ва баҳосидан ташқари, юз терисига мослигини ҳам инобатга олиш зарур.