Макияж аёлнинг гўзал ва латофатли кўринишига ҳисса қўшади. Аммо бу борада меъёрни билиш муҳим саналади. Акс ҳолда ёш катта ва образ хунук кўриниши мумкин.
Ҳаддан ортиқ контуринг ва хайлайтер
Узоқдан ҳам кўзга ташланиб турадиган тўқ бўёқ суртилган ёноқлар, ялтираган хайлайтер кадрда чиройли кўринади, аммо ҳаётда эмас. Қолаверса, ҳаддан ортиқ контуринг ёшни катта кўрсатади. Шу сабаб ҳам жигарранг контур ўрнига табиий кўринадиган шафтоли рангли румяна суртиш тавсия қилинади. Бу билан ёш ва ўзига хос кўринишингиз аниқ.
Чизилган қошлар
Татуажга ўхшаб турадиган қошлар ёшни сезиларли даражада катта кўрсатадиган яна бир антитренд ҳисобланади. Қалин қош эгаларига тартибга келтириб тараб, гел суртишнинг ўзи кифоя. Бўяшингиз ҳам мумкин, аммо чизишдан ва қошларнинг тагига хайлайтер суртишдан тийилинг.
Тональ кремни қалин қилиб суртиш
Тональ кремни қалин қилиб суртиш юзда ниқоб сингари кўринишидан ташқари, теридаги камчиликларнинг яққол кўзга ташланишига сабаб бўлади. Табиий ялтираб турадиган, соғлом тери ҳамиша трендда. Шуни инобатга олган ҳолда, қуюқ бўлмаган тональ кремни номига суртишнинг ўзи билан чекланинг.
Лаб четини қаламда чизиб бўяш
Лаб четининг чизиб олиниши дарҳол кўзга ташланиб, нотабиий кўринади. Лабларнинг ўзига хос бўлиши учун қаламни номига суртиб, шу рангга мос келадиган помада суртиш тавсия қилинади. Лабни қуруқ кўрсатадиган бўёқлардан қочиб, блеск ва енгил помадалардан фойдаланиш тавсия қилинади.
Изоҳ (0)