Шавкат Мирзиёев ноябрнинг иккинчи ярмида Россияга давлат ташрифи билан бориши кутилаётгани ҳақида хабар берилган эди. Президент матбуот котиби Шерзод Асадов унинг аниқ санасини маълум қилди.
Унга кўра, Ўзбекистон президенти Россияга 19 ноябрь куни боради. Москвада икки мамлакат етакчилари учрашув ўтказади.
Қайд этиш жоиз, Шавкат Мирзиёевнинг Россияга давлат ташрифи билан боришига анча вақтдан бери тайёргарлик кўрилмоқда. Дастлаб ушбу ташриф ҳақида 2020 йилнинг декабрида Ўзбекистон ташқи ишлар вазири Абдулазиз Комиловнинг россиялик ҳамкасби Сергей Лавров билан учрашувида муҳокама қилинган эди. 2021 йилнинг апрелида Президент матбуот котиби Шерзод Асадов давлат раҳбарининг Россияга расмий ташрифи санаси коронавирус билан боғлиқ вазиятга бориб тақалишини айтганди.
Шавкат Мирзиёев Россияга ноябрь ойида ташриф буюриши ҳақида Президентнинг 7 октябрь куни Владимир Путин билан ўтказган телефон мулоқотидан маълум бўлганди.
Россия ТИВ матбуот хизмати берган маълумотга кўра, ташриф давомида Ўзбекистон ва Россия ўртасида 30 га яқин ҳужжат имзоланиши кутилмоқда.
Изоҳ (0)