Shavkat Mirziyoyev 2021-yilda Rossiyaga davlat tashrifi bilan boradi

O‘zbekiston Prezidenti Shavkat Mirziyoyev 2021-yilda Rossiyaga davlat tashrifi bilan boradi. Bu haqda Rossiya Tashqi ishlar vazirligi xabar berdi.

O‘zbekiston tashqi ishlar vaziri Abdulaziz Komilov 21-dekabr, dushanba kuni rossiyalik hamkasbi Sergey Lavrov bilan muzokaralar o‘tkazgan.

“Uchrashuvda Shavkat Mirziyoyevning Rossiyaga bo‘lajak tashrifi ham muhokama qilindi”, — deyiladi Rossiya TIV xabarida.

Qayd etilishicha, vazirlar o‘zaro hamkorlik hujjatlari va koronavirusga qarshi kurashish borasida ham fikr almashgan.

Avvalroq O‘zbekistonning Rossiyadagi elchixonasida tashqi ishlar vaziri Abdulaziz Komilovga xorijiy davlatlarning qarorgohi Moskvada joylashgan elchilari tomonidan ishonch yorliqlarini topshirish marosimi bo‘lib o‘tgan edi.