Ўзбекистон Гидрометеорология хизмати Чимёнда қор кўчиш хавфини эълон қилди.
Маълум қилинишича, 17 ноябрь соат 08:00 дан 18 ноябрь соат 08:00 гача Чимён тоғ зонасининг денгиз сатҳидан 2000 метр баландлигида қор кўчиш хавфи бор.
Марказ маълумотларига кўра, 17—18 ноябрда республиканинг барча ҳудудига Волгабўйи орқали Россиянинг Европа ҳудуди (Москва вилояти) устида шаклланган нам ва совуқ ҳаво массаси кириб келади.
17 ноябрда Ўзбекистоннинг барча ҳудудларида ёмғир кўринишидаги ёғингарчилик бўлади, қорга айланади. Тоғолди ва тоғли ҳудудларда баъзи жойларда кучли бўлади.
Республиканинг тоғли ҳудудларида 18 ноябрда қор кўринишидаги ёғингарчилик сақланиб туради.
Изоҳ (0)