“O‘zgidromet” hafta davomida qanday ob-havo bo‘lishi ma’lum qildi.
Unga ko‘ra, 15-noyabr, dushanba kuni kunduzi respublika hududi bo‘yicha yog‘ingarchiliksiz ob-havo bo‘lishi kutilmoqda. Kunning o‘rtasiga kelib, havo 10-13 darajagacha iliq bo‘ladi.
16-noyabrda O‘zbekistonning shimoliy hududlariga, 17—18-noyabrda respublikaning barcha hududiga Volga bo‘yi orqali Rossiyaning Yevropa hududi (Moskva viloyati) ustida shakllangan nam va sovuq havo massasi kirib keladi.
16—17-noyabrda respublika bo‘yicha shamol tezligi 17-22 metr/sekundgacha kuchayishi kutilmoqda, ba’zida 25-28 metr/sekundgacha kuchayishi mumkin. Ba’zi joylarda changli bo‘ron bo‘ladi.
16-noyabrda O‘zbekiston hududining katta qismida havo harorati 13-18 daraja iliq bo‘lgan quruq va iliq ob-havo saqlanib turadi. Faqat Qoraqalpog‘istonda, Xorazm viloyatida asosan qor ko‘rinishidagi yog‘ingarchilik bo‘ladi va harorat 2-5 darajagacha pasayadi.
17-noyabrda O‘zbekistonning barcha hududlarida yomg‘ir ko‘rinishidagi yog‘ingarchilik bo‘ladi, qorga aylanadi, tog‘oldi va tog‘li hududlarda ba’zi joylarda kuchli bo‘ladi. Harorat kechasi va kunduzi 0-5 daraja iliq, shimolda kechasi 5-8 darajagacha sovuq, kunduz kuni 0-3 darajagacha pasayadi.
18—19-noyabrda O‘zbekiston hududi bo‘yicha yog‘ingarchilik kutilmaydi, faqat respublikaning tog‘li hududlarida 18-noyabrda qor ko‘rinishidagi yog‘ingarchilik saqlanib turadi. Harorat kechalari 5-8 darajagacha sovuq, shimolda 12-15 darajagacha pasayadi, kunduz kunlari 0-5 daraja iliq, shimolda 0-3 daraja sovuq atrofida saqlanib turadi.
“O‘zgidromet” hafta boshida havo keskin sovib, qor yog‘ishi haqida avval ham ma’lum qilgandi.Mavzuga doir: Video: Qamchiq dovonida yog‘ayotgan qor
