Вазирлар Маҳкамасининг 17 ноябрдаги қарорига кўра, Абдуғаппор Қирғизбоев Низомий номидаги Тошкент давлат педагогика университетининг ректори этиб тайинланди, деб хабар беради ЎзА.
2020 йилнинг февралидан шу кунга қадар Тошкент давлат педагогика университети ректори лавозимида ишлаб келган Алишер Умаров лавозимидан озод этилиб, унинг ўрнига Абдуғаппор Қирғизбоев тайинланди.
Шу муносабат билан Абдуғаппор Қирғизбоев Вазирлар Маҳкамасининг Давлат тилини ривожлантириш департаменти мудири лавозимидан озод этилган. У мазкур лавозимда 2019 йилнинг ноябридан буён ишлаб келаётганди.
Маълумот учун, Абдуғаппор Қирғизбоев 1962 йилда Наманган вилоятида туғилган. 1985 йил Низомий номидаги Тошкент давлат педагогика институтини тамомлаган, мутахассислиги — тарих ва жамият ўқитувчиси. Тарих фанлари доктори, доцент.
Мавзуга доир:
Воқеа юзасидан Саида Мирзиёева ва Комил Алламжонов муносабат билдириб ўтди. Саида Мирзиёева бундай ҳолатларни доимо жамоатчиликка маълум қилиб турилиши учун Сенат, Бош прокуратура, ИИВ ва ОАВнинг ҳаракатини бирлаштирадиган йирик лойиҳа зарурлигини билдириб ўтди. Комил Алламжонов бу фикрга қўшилишини маълум қилди. Олий ва ўрта махсус таълим вазирлиги эса талаба қизга тегажоғлик қилингани айтилган университет раҳбариятига қатъий чора кўрилишини билдирганди.
Изоҳ (0)