“O‘zgidromet” Chimyonda qor ko‘chish xavfidan ogohlantirdi

O‘zbekiston Gidrometeorologiya xizmati Chimyonda qor ko‘chish xavfini e’lon qildi.

Ma’lum qilinishicha, 17-noyabr soat 08:00 dan 18-noyabr soat 08:00 gacha Chimyon tog‘ zonasining dengiz sathidan 2000 metr balandligida qor ko‘chish xavfi bor.

Markaz ma’lumotlariga ko‘ra, 17—18-noyabrda respublikaning barcha hududiga Volgabo‘yi orqali Rossiyaning Yevropa hududi (Moskva viloyati) ustida shakllangan nam va sovuq havo massasi kirib keladi.

17-noyabrda O‘zbekistonning barcha hududlarida yomg‘ir ko‘rinishidagi yog‘ingarchilik bo‘ladi, qorga aylanadi. Tog‘oldi va tog‘li hududlarda ba’zi joylarda kuchli bo‘ladi.

Respublikaning tog‘li hududlarida 18-noyabrda qor ko‘rinishidagi yog‘ingarchilik saqlanib turadi.