Ҳукумат қарори билан Енгил автомобиллар ва мототранспорт воситаларини қисқа муддатли ижарага бериш тартиби тўғрисидаги низомга ўзгартириш ва қўшимчалар киритилди, деб хабар беради
Киритилган қўшимчаларга кўра, эндиликда юридик шахслар ҳам автомобилларни қисқа муддатга ижарага олиши мумкин (илгари фақат жисмоний шахслар назарда тутилган).
Шунингдек, ижарага олувчида алкоголли ичимлик, гиёҳванд моддаси ёки ўзгача мастлик аниқ кўриниб турганда ижарага берувчи унга транспортни ижарага беришни рад этиши мумкинлиги белгиланган.
Бундан ташқари, ижарага берувчи ижарага берилган транспорт томонидан йўл ҳаракати қоидалари бузилганини «Маъмурий амалиёт» тизими орқали электрон текшириши мумкин.
Эслатиб ўтамиз, 2018 йилда Фуқаролик кодексига киритилган ўзгартиришга мувофиқ автомототранспорт воситаларини 30 кунгача бўлган муддатга ижарага бериш шартномаларини нотариал тасдиқлаш шарт эмас.
Изоҳ (0)