Нима учун шамоллаганда кўп суюқлик ичиш керак?
Вирус — бу организмнинг интоксикацияси ва уни фақатгина «ювиб» чиқариш мумкин. Сув ичишни канда қилмаслик орқали инфекциянинг ошқозонда «уйғониши» олди олинади. Шу сабаб ҳам касал бўлганда сув ичишни канда қилмаслик керак.
C витамини
Аскорбин кислотаси иммун тизимини рағбатлантириб, курашувчи ҳужайраларнинг кўпайишига олиб келади. Морс, компот, занжабилли лимонли чой, наъматакли дамлама тетиклаштиришга ёрдам беради, клюква яллиғланишга қарши самара беради, малина эса тана ҳароратини туширади. Аммо C витамини қайнаган сув қўшилганда таъсирини йўқотишини ёдда тутиш, шу сабаб ҳам барра меваларнинг устига илиқ сув қўшиш керак бўлади. Музлатилган меваларни эса хона ҳароратида эритиш керак.
Қандай вазиятларда нордон ичимликдан тийилиш керак?
Томоқ оғриб турганда нордон ичимлик ичиш тавсия қилинмайди. Йирингли ангина ва тонзиллитда нордон ичимлик яллиғланишни жадаллаштириб юборади. Шу сабаб ҳам томоқ оғриганда иссиқ, тоза ва гиёҳли дамлама ичиш керак. Мойчечак, тошчўп ва тоғрайҳон антисептик хусусиятга эга. Кучга тўлиш учун асал, сариёғли сут ичинг. Товуқ бульони ҳам шифо бўлиши мумкин. Ангина безовта қилганда C витаминини таблетка кўринишида қабул қилса бўлади.
Иссиқ ичимликлар яхшими ёки ёмон?
Иссиқ ичимлик нордони сингари бодом безларини зўриқтиради. Шунингдек, организм қайноқ ичимликни совитиш учун кўпроқ куч сарфлайди. Ичимлик яхши сингиши учун ичимлик тана ҳароратидан бироз иссиқроқ — 40 ва 45 даражада бўлиши керак.
