Германия канцлери вазифасини бажарувчи Ангела Меркель мамлакат канцлерини сайлаш борасидаги фикри ҳеч қандай таъсирга эга эмаслиги, чунки уни парламент сайловлари якуни бўйича Бундестаг сайлашини эслатиб ўтди, деб хабар беради «Интерфакс».
Римда ўтказилаётган G20 sammitiда иштирок этаётган Меркель журналистларга саммит давомида Германия молия вазири Олаф Шолс билан икки томонлама учрашувда иштирок этганини, унда суҳбат Германияда ўтказилган сайловлар ва ким янги канцлер бўлиши борасида бўлганини маълум қилган.
«Албатта, шундай вазиятлар бўлди, айниқса, икки томонлама музокараларда катта эҳтимол билан жаноб Шолс Германиянинг янги канцлерига айланиши мумкинлиги ҳақида тўхталдик», — дейди у.
«Нима бўлганда ҳам, ўйлайманки, ким билан учрашмайлик, Германия канцлерини музокаралар йўли билан Меркель хоним эмас, немис Бундестаги сайлайди», — дея қўшимча қилади у.
Меркелнинг маълум қилишича, Германияда янги ҳукуматнинг шаклланиши коронавирусга қарши курашга халақит бермаслиги керак. Унинг сўзларига кўра, «гап олдинги ёки келажакдаги ҳукумат иштирокчилари ҳақида кетяптими, муҳим эмас».
«Биз соғлиқни сақлаш тизимимиздаги юкламаларни бартараф этишимиз лозим», — дейди у.
Эслатиб ўтамиз, 27 сентябрь куни бўлиб ўтган Германиядаги парламент сайловларида амалдаги молия вазири Олаф Шолс раҳбарлигидаги Социал-демократик партия (ГСДП) ғалаба қозонди. Унга сайловчиларнинг 25,7 фоизи овоз берди, ушбу натижага мувофиқ у янги Бундестагда 206 та ўринга эга бўлади.
Сайлов якунларига кўра, Ангела Меркель канцлер лавозимини тарк этади. У ҳукумат раҳбарлигини ўз ихтиёри билан топширишга ва сайловларда қатнашмасликка қарор қилганди.
Изоҳ (0)