Москва мэрининг шаҳарсозлик сиёсати ва қурилиш масалалари бўйича ўринбосари Андрей Бочкарев пойтахт ҳукумати қурилиш объектларида кадрлар инқирозини ҳал этувчи, хусусан, мигрантлар меҳнатидан фойдаланишни рад этишни ўз ичига олган режа тайёрланаётганини маълум қилди, деб хабар беради «РБК».
Бочкаревнинг маълум қилишича, Москвада реновация дастури бўйича олиб борилаётган кенг кўламли қурилишларга ишчи ва муҳандислар етишмаяпти. У меҳнат ресурсларнинг тақчиллигини тахминан 40 фоизга баҳолаган. Вице-мэрнинг сўзларига кўра, пойтахтдаги қурилишларда ишлаган кўплаб мигрантлар пандемия вақтида тарқалиб кетган — 120 минг кишидан 40 минг нафари қолган. Ишчиларнинг миллий таркиби ҳам ўзгарган — олдинлари асосан Тожикистондан келган бўлса, ҳозирда қурилишлардаги мигрантларнинг катта қисмини Ўзбекистон ва Қирғизистондан келган фуқаролар ташкил этмоқда.
Шу билан бирга, қурилишларда асосан Москва вилояти аҳолиси кўпайган. «Москва вилоятида аҳолиси кўпайди, аммо объектга шунчаки келиб бўлмайди. Яхши сувоқчи бўлиш — бу санъат, ғишт теришга эса умуман мутахассис йўқ», — дейди Бочкарёв.
Ишчи мигрантларнинг маошлари ҳам ўзгарган, улар эндиликдаги олдингидек маошга ишламаяпти. «Қурилишдаги мигрантнинг ўртача маоши 50-60 минг рубль. Олдин 30 минг эди. Аммо ҳозир кўпчилик 80 минг рублга ҳам ишлашни хоҳламаяпти», — дея таъкидлайди вице-мэр.
Бочкарёвнинг маълум қилишича, у Москвадаги объектларни қуришда хорижлик ишчилар кучидан фойдаланмаслик имконини берувчи тадбирлар режасини ишлаб чиқиш бўйича топшириқ берган. «Қурилиш жараёни уч баробар камроқ одам талаб этиши керак, маошлари эса икки, ҳатто уч баробар кўп бўлади ва биз икки баробар тезроқ қурамиз. Ушбу захиралар қани? Биринчиси — объектни қуришнинг технологик жараёни ечими. Масалан, сув тақсимлаш узелини объектда йиғиш ёки уни тармоқли йиғиш мумкин. Кейингиси — жараённинг механизациялашуви. Мен АҚШ, Буюк Британия, Швеция ва ҳоказо давлатларда ишлаганман. Аниқ мисол — Сканска компанияси, улкан устун монтаж учун бетонланмоқда. Бетонлаш жараёнини битта одам амалга оширяпти, швед. У кўплаб асбоб-анжомларни тақиб олган. Бутун лойиҳалаш ва қурилиш жараёни ишчилар сонини минималлаштириш учун ишлаб чиқилган. Бироқ ишчилар анча яхши тайёрланган. Яна бир мисол — деворни суваш. Тўрт нафар ишчини қўйиб қўйиш, ёки қоришмани деворга суртадиган битта станцияни ўрнатиш мумкин», — дейди Бочкарёв. Унинг айтишича, қатор объектларда ҳозирда тажрибалар давом этмоқда.
Мериядагилар яна бир муаммони — ҳозирда фуқаролик саноат қурилишида асосий интизомга асосланган қурилиш соҳасидаги таълим сифатини инобатга олмоқда. «Ушбу интизомнинг 90 фоизи муҳандислик, яъни ҳисоб-китоблар, формулалар, материалшунослик, конструкция ва ҳоказо. Қурилишни бошқариш усулларига ўқув вақтининг 10—15 фоизигина ажратилади. Америкаликлар, немислар, шветларда эса ушбу интизом бўлинган. Битта интизом — бу муҳандислик. Иккинчиси — жараённи ташкиллаштиришни ўрганувчи конструксион менежмент. Америкадаги қурилишга кирсанг, ишчилар кўплаб ускунларни тақиб олган. Чунки улар самарадорлик учун пул олади. Майда нарсадек кўриниши мумкин, аммо уларнинг биттаси уч кишининг ишини уддалайди. Шу каби таълим дастурларини яратиш керак», — дейди вице-мер.
Аввалроқ Ўзбекистон фуқаролари Россияга кирган кундан бошлаб 15 кун ичида рўйхатдан ўтиш заруратидан озод этилиши мумкинлиги, Россия ҳукумати 150 минг ўзбекистонлик муҳожирнинг мамлакатга киришига қўйилган тақиқни олиб ташлагани тўғрисида хабар берилганди.
Изоҳ (0)