Беларусдаги Мустақиллик саройи — Александр Лукашенконинг ишчи қароргоҳида мамлакат президенти 2020 йилнинг 23 августида норозилик намойишлари вақтида қўлида автомат билан вертолётда учган экспозиция пайдо бўлди, деб хабар беради Meduza.
Экспозиция суратини Лукашенко матбуот хизматига боғлиқ Telegram’даги «Пул первого» канали эълон қилган. «Пул сарой бўйича кейинги экскурсияда эсдалик учун суратга тушишни истайдиганлар навбати қаерда пайдо бўлишини билади», — дейилади изоҳда.
Экспозицияда автоматдан ташқари, Лукашенко ва унинг кенжа ўғли Николай тасвирланган картина, иккита металл ҳайкалча (улардан бири «махсус кучлардан ҳайкалтарошлик» деб номланган) ва Лукашенконинг сурати ҳамда «За Батку» ёзуви туширилган Беларусь давлат байроғи ўрин олган.
«Белта» Беларусь давлат агентлигининг маълум қилишича, Мустақиллик саройидаги экспозиция мамлакатда содир бўлган «ўтган йилги воқеаларга» бағишланган.
Эслатиб ўтамиз, Беларусдаги президентлик сайловлари 2020 йилнинг 9 август куни ўтказилган. МСК маълумотига кўра Лукашенко 80,1 фоиз овоз билан сайловларда ғолиб деб топилган. Сайлов куни Минск марказида ҳарбий техника пайдо бўлган. Пойтахтда президент сайловидан кейин норозилик намойиши бошланганди. Лукашенко эса 23 август куни ҳам норозилик намойиши иштирокчилари қаршисида қўлида автомат билан пайдо бўлган. Зирҳли нимча кийиб олган президент вертолётда Минскдаги норозилик намойишларини кузатганди.
Изоҳ (0)