Ичига қийма ва сабзавотлар солиб пишириладиган беҳили таом рецепти

Беҳини нафақат мева, балки мазали таом сифатида ҳам истеъмол қилиш мумкин.

Керакли маҳсулотлар:

• беҳи – 10 дона;
• лимон – 1 дона;
• пиёз – 1 дона;
• кўк пиёз – 1 дона;
• сабзи – 1 дона;
• саримсоқ – 1 бош;
• писта – 50 грамм;
• майиз – 50 грамм;
• зайтун ёғи – 6 ош қошиқ;
• қийма – 400 грамм;
• пишлоқ – 100 грамм;
• туз ва зираворлар.

1. Беҳининг юқори қисми кесиб олинади. 5-7 миллиметр қалинликда девори қолдирилиб, ичи ўйиб олинади.
2. Лимоннинг пўсти олиниб, шарбати сиқиб чиқарилади.
3. Беҳи қопқоқлари билан сувга солинади ва лимон шарбати қўшиб, қайнатилади.
4. 20-30 дақиқа давомида қайнатилиб, сўнгра совитишга қўйилади.
5. Пиёз, кўк пиёз, сабзи беҳи майда тўртбурчак шаклда тўғралади. Саримсоқ, писта ва майиз ҳам майдаланади.
6. Товага 2 ош қошиқ ёғ қуйиб, сабзи, пиёз, беҳи ва саримсоқ қовурилади.
7. Қизариб пишгач, қийма қўшилади ва 5-7 дақиқа қовурилади.
8. Устидан 50 мл сув қуйилгач, писта, майиз, лимон қобиғи, туз ва зираворлар солинади.
9. Пишлоқ қирғичдан ўтказилиб, қиймали аралашмага қўшилади.
10. Беҳи ичига тайёр бўлган начинка солиниб, қопқоқлари ёпилади.
11. 180 даража печда беҳилар фольга қоғозига ўраб 30 дақиқа, сўнгра қоғозсиз яна ярим соат давомида пиширилади.