Тушлик учун ажойиб танлов бўла оладиган пиёзли пирог рецепти

Ушбу пирог мазали ҳамда тўйимли бўлиб, уни бекажонлар тушлик ёки кечки овқат учун тайёрласа ҳам бўлади.

Керакли маҳсулотлар:

• ун – 500 грамм;
• сут – 300 мл;
• хамиртуруш – 15 грамм;
• сариёғ – 60 грамм;
•  пиёз – 1,2 килограмм;
•  гўшт – 200 грамм;
• сметана – 350 грамм;
• тухум – 4 дона;
• мускат ёнғоғи, туз ва зираворлар.

1. Ун, сут, хамиртуруш, сариёғ ва туз аралаштирилиб, хамир иссиқ жойда 30 дақиқага қўйилади.
2. Пиёз тўртбурчак шаклда тўғралади ва гўшт билан сариёғда қовурилади.
3. Тухум сметана билан аралаштирилади, устидан туз, қалампир ва мускат ёнғоғи қўшилади. Аралашма қовурилган гўшт ва пиёз билан аралаштирилади.
4. Хамир қолипга тенг равишда тақсимланади. Устидан сметанали аралашма солиниб, 200 даража печда 25 дақиқа давомида юзаси қизаргунга қадар пиширилади.