Pishirilgan olma ham xuddi mevasi kabi sog‘liq uchun foydali. Shuning uchun mikroto‘lqinli pech yordamida olmadan tayyorlanadigan oson va tezpishar shirinliklar retseptini taqdim etamiz.
Tvorogli nachinka solib pishiriladigan olmalar
Kerakli mahsulotlar:
- yashil olma − 2 dona;
- tvorog − 70 gramm;
- dolchin − 1 chimdim;
- mayiz, quritilgan o‘rik.
- Olmalar yuvilib, bosh qismi kesib olinadi. Mevaning ichi pichoq yordamida bo‘shatiladi.
- Tvorog, mayiz va quritilgan o‘rik ta’bga ko‘ra aralashtiriladi va olmalar ichiga solinadi. Ustidan mevaning kesilgan bosh qismi yopiladi.
- Shirinliklar maxsus idishda mikroto‘lqinli pechda 600 Vt quvvat bilan taxminan 7-8 daqiqaga qo‘yiladi. Tayyor bo‘lgach sovitilib, dasturxonga tortiladi.
Asal va yong‘oqli nachinka solib pishiriladigan olmalar
Kerakli mahsulotlar:
- nordon olma − 6 dona;
- asal − 5 osh qoshiq;
- quritilgan o‘rik − 18 dona;
- yong‘oq − 6 dona.
- Xuddi yuqoridagidek olmaning tepa qismi kesib olinadi, ichi bo‘shatiladi.
- Quritilgan o‘riklar bug‘da yumshatilib, mayda to‘g‘raladi.
- Har bir olma ichiga quritilgan o‘rik, yong‘oq va ikki qoshiq asal quyiladi.
- Olmalarning tepa qismi yopilib, mikroto‘lqinli pechga maksimal quvvatga, 5-8 daqiqaga qoldiriladi.
- Ta’bga ko‘ra, shirinlikka dolchin sepiladi.
Malina murabbosi bilan pishiriladigan olmalar
Kerakli mahsulotlar:
- yashil olma − 2 dona;
- asal − 50 gramm;
- malina murabbosi − 100 gramm;
- dolchin, yong‘oq, apelsin po‘sti.
- Olma mevasining ichi yana o‘yib olinadi.
- Malinali murabboga apelsin po‘sti, asal, dolchin, yong‘oq qo‘shiladi va yaxshilab aralashtiriladi.
- Nachinka mevalar ichiga solinib, yuqori qismi yopiladi.
- Mikroto‘lqinli pechda yuqori haroratda 9-10 daqiqa pishiriladi.
Shakar bilan pishiriladigan olmalar
Kerakli mahsulotlar:
- nordon olma − 2 dona;
- shakar − 3 osh qoshiq.
- Olmalarning usti kesib olinadi. Ichiga 1,5 choy qoshiqdan shakar solinadi. Ustidan olma bo‘laklari solinib, yuqori qismi yopiladi.
- Mikroto‘lqinli pechning yuqori haroratida 5-7 daqiqa davomida pishiriladi.