Стокгольмда Швеция давлат банки томонидан таъсис этилган иқтисодиёт бўйича Альфред Нобель номидаги мукофот лауреатлари номи эълон қилинди. 2021 йилги совринга америкалик иқтисодчилар Дэвид Кард, Жошуа Ангрист ва Хидо Имбенс сазовор бўлди. Мукофот пулининг ярми Кардга, қолган ярми Ангрист ва Имбенсга берилади.
Ангрист ва Имбенс «сабаб-оқибат муносабатларини таҳлил қилишга қўшган услубий», Кард эса «меҳнат иқтисодиётига қўшган амалий» ҳиссаси учун мукофот билан тақдирланди.
2020 йилда ушбу соҳадаги Нобель мукофоти кимошди савдоси назариясини такомиллаштиргани учун ва янги аукцион форматларини ихтиро қилгани учун америкалик Пол Милгром ва Роберт Уилсонга берилганди.
Иқтисодиёт бўйича лауреатларнинг эълон қилиниши Нобель ҳафталигига якун ясади.
Аввалроқ физиология ва тиббиёт, физика, кимё, адабиёт, тинчлик йўналишлари бўйича 2021 йилги Нобель мукофотининг соҳиблари аниқланганди.
Мукофотни топшириш маросими 10 декабрь — Альфред Нобель вафот этган кунда бўлиб ўтади. Одатда Нобель мукофоти совриндорларини Швеция қироли Стокгольмда шахсан табрикларди (Ослода тақдирланадиган Тинчлик мукофоти совриндорлари бундан мустасно). Бироқ коронавирус пандемияси туфайли 2021 йилда худди ўтган йилги каби тантанали маросим ва зиёфат бўлмайди. Ғолиблар онлайн тарзда тақдирланади.
Мавзуга доир:
- Байден тинчлик бўйича Нобель мукофотига сазовор бўлган журналистларни табриклади
- Обама, Малала Юсуфзой ва Эфиопия бош вазири. Сўнгги йилларда тинчлик учун Нобель кимларга берилганди?
- Оғриқ бу — ҳаёт. Физиология ва тиббиёт йўналишида Нобель мукофоти совриндорлари энг даҳшатли ва ёқимли сезгилар — иситма, совқотиш, оғриқ ва ёқимли ҳисларнинг қандай пайдо бўлишини тушунтириб берди
Изоҳ (0)