Stokgolmda Shvetsiya davlat banki tomonidan ta’sis etilgan iqtisodiyot bo‘yicha Alfred Nobel nomidagi mukofot laureatlari nomi e’lon qilindi. 2021-yilgi sovringa amerikalik iqtisodchilar Devid Kard, Joshua Angrist va Xido Imbens sazovor bo‘ldi. Mukofot pulining yarmi Kardga, qolgan yarmi Angrist va Imbensga beriladi.
2020-yilda ushbu sohadagi Nobel mukofoti kimoshdi savdosi nazariyasini takomillashtirgani uchun va yangi auksion formatlarini ixtiro qilgani uchun amerikalik Pol Milgrom va Robert Uilsonga berilgandi.
Iqtisodiyot bo‘yicha laureatlarning e’lon qilinishi Nobel haftaligiga yakun yasadi.
Avvalroq fiziologiya va tibbiyot, fizika, kimyo, adabiyot, tinchlik yo‘nalishlari bo‘yicha 2021-yilgi Nobel mukofotining sohiblari aniqlangandi.
Mukofotni topshirish marosimi 10-dekabr — Alfred Nobel vafot etgan kunda bo‘lib o‘tadi. Odatda Nobel mukofoti sovrindorlarini Shvetsiya qiroli Stokgolmda shaxsan tabriklardi (Osloda taqdirlanadigan Tinchlik mukofoti sovrindorlari bundan mustasno). Biroq koronavirus pandemiyasi tufayli 2021-yilda xuddi o‘tgan yilgi kabi tantanali marosim va ziyofat bo‘lmaydi. G‘oliblar onlayn tarzda taqdirlanadi.
Mavzuga doir:
- Bayden tinchlik bo‘yicha Nobel mukofotiga sazovor bo‘lgan jurnalistlarni tabrikladi
- Obama, Malala Yusufzoy va Efiopiya bosh vaziri. So‘nggi yillarda tinchlik uchun Nobel kimlarga berilgandi?
- Og‘riq bu — hayot. Fiziologiya va tibbiyot yo‘nalishida Nobel mukofoti sovrindorlari eng dahshatli va yoqimli sezgilar — isitma, sovqotish, og‘riq va yoqimli hislarning qanday paydo bo‘lishini tushuntirib berdi
Izoh (0)