Покистон ядровий дастури раҳбари, ядрочи физик олим Абдуқодир Хон 85 ёшида вафот этди. Бу ҳақда олимнинг оиласига таяниб, Аry News телеканали хабар берди.
Унинг ўлимга аввалроқ коронавирус билан касалланишдан қолган асоратлар сабаб бўлган. Даволаш курсидан сўнг беморнинг аҳволи яхшиланган, лекин 10 октябрга ўтар кечаси шифокорлар уни сунъий нафас олдириш аппаратига улашга мажбур бўлган.
Хон оиласи вакилининг аниқлик киритишича, физик KRL шифохонасининг жонлантириш бўлимида вафот этган. У Файсал масжидига дафн қилинади.
Покистонда атом дастурининг ривожланиши 1956 йилда Атом энергияси бўйича комиссия тузилиши билан бошланган. 1970 йилларнинг бошига қадар ядровий тадқиқотлар тинч хусусиятга эга эди.
Докторлик даражасига эга Абдуқодир Хон илгари Нидерландияда уранни бойитиш учун газ центрифугаларини ишлаб чиқарувчи URENCО (Буюк Британия, Германия, Нидерландия) Европа консорсиумида ишлаган, сўнг 1975 йилда у Покистон ядровий дастурини ривожлантиришга қўшилди. Унинг тадқиқотлари натижасида 1998 йил 28 майда Покистоннинг илк ядровий бомбаси синовдан ўтказилди.
2004 йилда Хон унинг раҳбарлиги остида ядро технологиялари халқаро қора бозори фаолият юритганини тан олди, шунингдек, ядровий сирларни Эрон, Шимолий Корея ва Ливияга етказиш бўйича жавобгарликни ўз зиммасига олди. Ўшанда олим Исломободда уй қамоғига жойлаштирилган, кейинчалик эса у ўз кўрсатмаларидан қайтган.
Изоҳ (0)