Iqtisodiyot bo‘yicha Nobel mukofoti sovrindorlari e’lon qilindi

Stokgolmda iqtisodiyot bo‘yicha Nobel mukofoti sovrindori nomi e’lon qilindi, deb xabar bermoqda Meduza. Mukofot kim oshdi savdosi nazariyasini takomillashtirgani uchun va yangi auksion formatlarini ixtiro qilgani uchun amerikalik Pol Milgrom va Robert Uilsonga berildi.

Iqtisodiyot bo‘yicha Nobel mukofoti sovrindori e’lon qilinishi Nobel haftaligini yakunladi.

2020-yilda Nobel mukofotiga sazovor bo‘lganlar: Jahon oziq-ovqat dasturi (tinchlik mukofoti), shoira Luiza Glyuk (adabiyot bo‘yicha), Emmanuel Sharpantye va Jennifer Dudne (kimyo bo‘yicha), Harvi Olter, Maykl Xauton va Charlz Raysg (tibbiyot va fiziologiya bo‘yicha), Rojer Penrose, Andrea Gez va Reynxard Genzel (fizika bo‘yicha).

Nobel mukofoti sovrindorlarga 10-dekabr kuni — Alfred Nobelning tug‘ilgan kunida topshiriladi va maxsus ziyofat (tinchlik mukofotidan tashqari barcha laureatlar uchun Stokgolmda, tinchlik mukofoti sovrindorlari uchun — Osloda) o‘tkaziladi. 2020-yilda koronavirus pandemiyasi tufayli ziyofat o‘tkazilmaydi, taqdirlash marosimi esa onlayn tarzda bo‘lib o‘tadi.

2020-yilda Nobel mukofoti miqdori oshirilgan bo‘lib, 10 million shved kronasi (taxminan 1,1 million dollar)ni tashkil etadi.