АҚШ биринчи хоними Жилл Байден Шимолий Виржиния жамоат коллежидаги тўлиқ ставкали ўқитувчилик ишига қайтди. Бу ҳақда Associated Press хабар берди.
Аввалроқ The Washington Post нашри Жилл Байден коллежда ҳафтада икки кун — сешанба ва пайшанба кунлари дарс беришини хабар қилганди. У академик иншо ёзиш курсини олиб боради.
70 ёшли Жилл Байден АҚШ тарихида Оқ уй ташқарисида тўлиқ ставкада ишлайдиган биринчи президент рафиқаси. Жо Байден АҚШ вице-президенти бўлган даврда ҳам Жилл бошқа вице-президент рафиқаларидан фарқли ўлароқ ишлар эди.
Жо Байден президентликка сайланганидан кейин Жилл Байден дарс беришни тўхтатмади, лекин пандемия бошланиши билан у масофадан ўқитишга ўтди.
Илгари АҚШ биринчи хонимлари уйдан ташқарида ишламаган, айниқса, Оқ уйга кўчиб ўтганидан сўнг. Улар турмуш ўртоқларини қўллаб-қувватлар, болаларни тарбиялар ва уй бекаси ролини ўйнарди. Баъзи хонимлар эрлари учун махсус элчи бўлиб ишлаган.
Жилл Байден дарс беришни 1976 йилда — Жо Байден билан танишганидан бир йил ўтиб бошлаган. У 2009 йилдан бери Шимолий Виржиния жамоатчилик коллежида ишлайди.
Мавзуга доир:
- «Сен буни ўзгартиришинг керак». Ўқитувчи ва биринчи хоним Жилл Байден ўзи ким?
- АҚШнинг янги биринчи хоними — Жилл Байден қандай услубда кийинишни хуш кўради? (фото)
- АҚШ президенти Жо Байден ва унинг рафиқаси 2020 йилда 600 минг доллар даромад олди. Вице-президент Камала Харрис ва турмуш ўртоғи — бундан уч баравар кўп
Изоҳ (0)