Янги iPhone 13 да сунъий йўлдош алоқасини қўллаб-қувватлайдиган ва уяли алоқа бўлмаган тақдирда ҳам қўнғироқ қилиш ва хабар юбориш имконини берадиган модем пайдо бўлиши мумкин. Бу ҳақда MacRumors ва TF International Securities компаниясининг Осиё—Тинч океани минтақаси бўйича таҳлилчиси Мин-Чин Куонинг ҳисоботига асосланиб Spot хабар берди.
Мутахассиснинг фикрича, iPhone 13 да Globalstar тармоғининг паст орбитали спутникларининг сунъий йўлдош алоқасини қўллаб-қувватлайдиган Qualcomm Х60 модеми бўлади.
Агар керакли функциялар ёқилса, дастурий таъминот янги iPhone фойдаланувчиларига 4G ёки 5G уяли тармоққа уланмасдан қўнғироқлар қилиш ва хабарлар юбориш имконини беради.
Таҳлилчининг маълумотларига кўра, Apple ўзининг iPhone 13 линейкасини сентябрнинг учинчи ҳафтасида тақдим этади. Аввалроқ интернетда iPhone 13 Pro’нинг қувватлантириш «разём»исиз тасвирланган суратлари тарқалган, Apple компанияси iPhone 13 моделлари тақчил бўлишидан огоҳлантирган эди.
Изоҳ (0)