Huawei дисплейи сурилишга қодир футуристик смартфонни патентлади

Huawei компанияси сурилиб очиладиган дисплей ва учталик камерага эга футуристик смартфонни патентлади, деб хабар беради Hi-Tech.Mail.ru.

Хитой технологик гиганти олд панелни, шунингдек, орқа панелнинг катта қисмини эгаллайдиган дисплейга эга янги смартфонни патентлади. Аммо унинг ўзига хос жиҳати мазкур дисплейни ўнг ён томонидан тортиб, чиқариш мумкинлигида.

Патент асосида Ц Designэр ники остидги график дизайнер ғаройиб смартфон тасвирини яратган.

Тасвирлардан кўриш мумкинки, смартфон дисплейи 6,5 дюймдан 11 дюймгача катталашиши мумкин. Шарнир ва механик букланишнинг йўқлиги дисплей юзасига чизиқ тушишининг олдини олади.

Huawei қурилмани Мате сериясидаги смартфон сифатида тақдим этиши мумкин. Унинг олд томонига камералар технологияси, орқасига эса оддий учталик камера жойлаштирса бўлади. Концепт қизиқарли, аммо бу ҳозирча патент эканлиги инобатга олинадиган бўлса, унинг келажакда пайдо бўлиш-бўлмаслиги номаълум.

Аввалроқ Xiaomi компанияси Samsung Z Flip’нинг арзонроқ муқобилини ўйлаб топгани, Vivo компанияси учадиган камерага эга смартфонни патентлагани тўғрисида хабар берилганди.