Samsung компанияси Galaxy Z Fold’га ўхшаш, бироқ ундан фарқли равишда икки жойидан букланадиган дизайнга эга смартфонни тақдим этди, деб хабар беради Hi-Tech.Mail.ru.
Янги қурилмада иккиталик шарнир технологиясидан фойдаланилган бўлиб, унинг ёрдамида смартфон ҳам ички, ҳам ташқи томонга бир нечта жойидан буклана олади.
Компания томонидан эълон қилинган видеода технологиянинг амалда ишлаши намойиш этилмаган. Бунинг ўрнига асосий эътибор фойдаланувчилар 7,2 дюймли OLED-экрандан кутиши мумкин бўлган функционалликка қаратилган.
Экранларни тўлиқ очиш орқали ягона тасвирни планшет сифатида томоша қилиш ёки кўп вазифали функцияда контентларни ажратиш мумкин.
Намойиш этилган прототипда асосий экраннинг чап томонидан иккиталик камера массивини, юқори қисмида ўчириб-ёқиш тугмаси ва USB-портни кўриш мумкин. Қолган техник тавсифлари, процессор ва хотираси ошкор этилмаган. Шунга қарамай янги гаджет келажакда букланадиган Samsung қурилмаларини кутаётган ўзгаришларни очиқ-ойдин кўрсатиб берган.
Эслатиб ўтамиз, август ўрталарида Samsung эгилувчан экранга эга янги смартфони — «раскладушка» ва «китобча»ни тақдим этганди.
Изоҳ (0)