Yangi iPhone 13 da sun’iy yo‘ldosh aloqasini qo‘llab-quvvatlaydigan va uyali aloqa bo‘lmagan taqdirda ham qo‘ng‘iroq qilish va xabar yuborish imkonini beradigan modem paydo bo‘lishi mumkin. Bu haqda MacRumors va TF International Securities kompaniyasining Osiyo—Tinch okeani mintaqasi bo‘yicha tahlilchisi Min-Chin Kuoning hisobotiga asoslanib Spot xabar berdi.
Mutaxassisning fikricha, iPhone 13 da Globalstar tarmog‘ining past orbitali sputniklarining sun’iy yo‘ldosh aloqasini qo‘llab-quvvatlaydigan Qualcomm X60 modemi bo‘ladi.
Agar kerakli funksiyalar yoqilsa, dasturiy ta’minot yangi iPhone foydalanuvchilariga 4G yoki 5G uyali tarmoqqa ulanmasdan qo‘ng‘iroqlar qilish va xabarlar yuborish imkonini beradi.
Tahlilchining ma’lumotlariga ko‘ra, Apple o‘zining iPhone 13 lineykasini sentabrning uchinchi haftasida taqdim etadi. Avvalroq internetda iPhone 13 Pro’ning quvvatlantirish “razyom”isiz tasvirlangan suratlari tarqalgan, Apple kompaniyasi iPhone 13 modellari taqchil bo‘lishidan ogohlantirgan edi.
Izoh (0)