Samsung — янги Google Android 12 операцион тизимининг очиқ бета-тест жараёнларида иштирок этмаётган энг йирик смартфон ишлаб чиқарувчи, деб хабар беради IXBT.
Шу сабабли бирор ким Жанубий Корея компаниясининг қайси қурилмалари ва қачон Android 12 га асосланган One UI 4.0 интерфейсига ўтишини билмайди. Аммо интернетда Geekbench базасидаги Android 12 бошқарувида ишловчи Galaxy S21 Ultra ҳақида маълумотлар пайдо бўлди. «Бу Samsung смартфонлари Google’нинг энг сўнгги версиядаги операцион тизимга эга бўлиши борасида умид учқунларини уйғотади», — дейилади хабарда.
Операцион тизимнинг расмий тақдимоти октябрь ойига режалаштирилган.
Android 12 бошқарувидаги Galaxy S21 Ultra бир оқимли тестда 1122 балл, кўп оқимлида эса 3469 балл тўплаган — бу Snapdragon 888 моделларига мос натижа. Бу ерда Android 12 нинг мавжудлиги муҳим: Samsung очиқ бета-тест жараёнида иштирок этмаётган бўлса-да, бошқа компаниялардан янги операцион тизимлар борасида ортда қолмаяпти.
Аввалроқ Samsung компанияси Galaxy Buds+ наушнигини сотувдан олиб ташлаши, Жанубий Корея компанияси эгилувчан экранга эга янги смартфони — «раскладушка» ва «китобча»ни тақдим этгани тўғрисида хабар берилганди.
Изоҳ (0)