Apple компанияси сентябрнинг учинчи ҳафтасида янги iPhone’лар сериясини тақдим этади. Hi-Tech.Mail.ru янги қурилманинг ташқи кўриниши қандай ўзгаришга учраши тасвирланган суратлар билан бўлишди.
Барча ўлчамлар Innocent Store томонидан iPhone 13 mini, iPhone 13, iPhone 13 Pro ва iPhone 13 Pro Max учун чиқарилган аксессуарларга асосланган. Ғилофларга қараб, масалан, iPhone’нинг камера ўлчамлари ва корпусидаги бошқа янгиликлардан хабар топиш мумкин.
Хусусан, эълон қилинган суратларда кўриш мумкинки, камера жойлашган блок икки миллиметрга катталашади. Масалан, iPhone 12 да унинг диаметри 3,71 сантиметрни ташкил этган бўлса, iPhone 13 да 3,98 сантиметрга етади. iPhone 12 Pro, 12 Pro Max’лар ягона ўлчамли — 4,49 сантиметрли камерага эга бўлади.
Табиийки, Apple алоҳида линзалари ўлчамини ҳам ўзгартиради. Бу каби ўзгаришга такомиллашган камера, Sensor Shift барқарорлаштирувчи технологияси сабаб қилиб кўрсатилмоқда. Бундан олдин мазкур технология фақатгина iPhone 12 Pro Max моделларида қўлланган, эндиликда эса iPhone 13 линейкасидаги барча моделлар эга бўлади.
Силикондан ишланган ҳимоя ғилофи Apple овозни бошқариш ва блоклаш тугмасининг жойи ўзгарганини кўрсатади. Улар 6,2 миллиметр пастроққа силжиган. Бу бармоқлари калтароқ фойдаланувчилар ҳам ундан осонликча фойдаланишини таъминлайди.
Миш-мишларга кўра, Купертинода яратиладиган янги флагманлар 0,2 миллиметрга қалинроқ бўлади.
iPhone 13 сериясидаги моделлар дизайнидаги асосий ўзгаришлардан бири — олд қисмидаги қирқимнинг кичрайгани. Масалан, iPhone 12 да унинг ўлчами 3,45 сантиметрни ташкил этган бўлса, янги авлодда 2,57 сантиметр бўлади.
Аввалроқ интернетда iPhone 13 Pro’нинг қувватлантириш «разём»исиз тасвирланган суратлари тарқалган, Apple компанияси iPhone 13 моделлари тақчил бўлишидан огоҳлантирган эди.
Мавзуга доир: iPhone 13 Pro янги рангларда пайдо бўлади (видео)
Изоҳ (0)